Ævintýri í Suður-Ameríku

Við erum enn á lífi eftir brúarstökkin! :) Vá þetta var geeeggjað!! ..eiginlega bara alls ekki hægt að lýsa tilfinningunni. Við hoppuðum semsagt fram af brú hérna í miðbæ Merida, hellings umferð yfir hana og allt. Það fóru 10 manns úr hópnum okkar og enginn hætti við að stökkva þó að nokkrir væru tæpir. Byrjaði allt voða dramatískt með niðurtalningu og fólk var alveg með gúmmífætur uppi á brúninni. Inga María tók ofurmanninn á þetta og hún var ekki fyrr komin upp er hún hvarf niður. Hún var svo snögg að ljóskurnar vinkonur hennar náðu ekki að taka það upp á video. En við erum að fara að hoppa aftur svona í Ecuador, það verður líka miklu flottara stökk því við erum orðnar vanar núna ;) Halla var síðust af öllum, og hoppaði í kolniðamyrkri. Hvarf ofan í hyldýpið..
Það voru rúmir 30 metrar niður að ánni fyrir neðan og reipið sem við stukkum í var 27 metra langt. Engin teygja eða neitt í því svo maður þurfti að stökkva eins langt út og maður gat, eins og maður ætlaði að fljúga!

Í dag ætluðum við að fara í svifflug, en höfðum svo margt að gera fyrir kvöldið að við ætlum að láta það bíða betri tíma. Við vorum víst líka þær einu í hópnum sem ætluðu.

Í kvöld förum við á veitingahús sem opnar eingöngu fyrir okkur, það hefur sætispláss fyrir 36 manns eða akkurat okkar fjölda! Eftir það mun leiðin okkar liggja á nærliggjandi bar, sem einnig opnar bara fyrir okkur :) :) Flestir Venezuelar eyða áramótunum í faðmi fjölskyldunnar og þeir eru víst ekki eins partíglaðir og við vesturlandabúar ættum að venjast, en það er mjög flott að fá bara einkasamkvæmi í staðinn!

Það er einhver bíll búinn að vera að elta okkur síðan við komum hingað fyrst, hann er með mjög viðkvæma þjófavörn sem er ALLTAF að fara í gang. Daga og nætur. Þeir sem hafa gist hjá Melindu kannast við hann ;) Fyrst fannst okkur þetta óþolandi en núna er þetta eiginlega bara farið að verða svolítið fyndið. Hljóðin eru farin að verða sem ljúfur söngur og þetta er bara heimilislegt.

Á morgun förum við til Los Llanos og þaðan beint til Amazon, svo það gæti liðið soldill tími þar til við færum ykkur nýjar fréttir.

Getum ekki sett brúarstökksvideoið inn, en það er komin 71 ný mynd inn á suduramerika.com/Coppermine undir sigga>Merida ath myndirnar eru ekki allar frá Merida en við ákváðum að það væri bara einfaldast að setja allar nýju myndirnar saman í möppu.

Heyrumst næst í Brasilíu! :)

kveðja
Sigga, Halla og Inga María